Laufskálarétt 2017 laugardaginn 30. september.

22.09.2017 - 08:21
 Réttað er í Laufskálarétt í Hjaltadal síðustu helgina í september. Sú hefð hefur skapast að haldin sé skemmtun í Reiðhöllinni Svaðastöðum á föstudagskvöldinu. 
 
Á laugardagsmorgni heldur her manna ríðandi í Kolbeinsdalinn til að sækja stóðið, og taka allir sem vettlingi geta valdið þátt í því. Réttarstörf hefjast um hádegi á laugardeginum og standa fram eftir degi, krydduð með gleði, söng og fallegu fólki.
 
Þarna eru samankomin mörg hundruð hross og allt að þrjú þúsund gestir. Um kvöldið er svo fjölmennur réttardansleikur í Reiðhöllinni Svaðastöðum. ( Sauðárkróki )
 
frétt facebook