Lið Auðsholts hjáleigu - MD hestaíþróttum

31.10.2017 - 08:29
  Lið Auðsholtshjáleigu hefur verið með í deildinni frá árinu 2010 en það sigraði liðakeppnina í fyrsta skiptið árið 2016.
 
 Fyrstu tvö árin var það eingöngu skipað konum en nú er það blandað. Þórdís Erla Gunnarsdóttir er liðsstjóri sem fyrr en aðrir liðsfélagar eru Sylvía Sigurbjörnsdóttir, Ásmundur Ernir Snorrason, Janus Eiríksson og Bjarni Bjarnason.
 
Þórdís Erla Gunnarsdóttir, liðsstjóri, er tamningamaður og reiðkennari frá Hólaskóla. Hún starfar við tamningar á Grænhóli. Þórdís Erla hefur verið viðloðandi keppni frá blautu barnsbeini og hefur jafnframt verið að koma sterk inn í kynbótasýningum síðustu ár.
Ásmundur Ernir Snorrason starfar sem tamingamaður á Strandarhöfði í Landeyjum. Hann var kosinn efnilegasti knapi ársins 2012 og hefur verið framarlega á keppnisbrautinni frá barnsaldri. Hann hefur m.a. verið í úrslitum á Landsmótum og Íslandsmótun auk þess að eiga nokkra Íslandsmeistaratitla. Ásmundur hefur vakið athygli meðal annars á hestunum Rey frá Melabergi og Speli frá Njarðvík en þeir Ásmundur og Spölur voru í landsliði Íslands 2017 í Oirschot þar sem þeir voru í úrslitum í bæði tölti og fjórgangi. 
Bjarni Bjarnason er sonur Bjarna Þorkelssonar og Margrétar Hafliðadóttur á Þóroddsstöðum. Bjarni er menntaður frá Hólaskóla og hefur sýnt kynbótahross með góðum árangri, en einna helst hefur hann verið atkvæðamikill í skeiðkappreiðum undanfarin ár. Bjarni varð Íslandsmeistari í 100m. skeiði á hryssunni Heru frá Þóroddsstöðum árið 2014 og 2015. Bjarni setti einnig heimsmet og Íslandsmet á Heru sumarið 2014 og bætti það síðan á Landsmóti 2016. Bjarni er skeiðknapi ársins 2016
Janus Halldór Eiríksson starfar við tamningar á Laugarbökkum. Hann hefur náð góðum árangir á kynbótabrautinni og sýnt margan gæðinginn. Einnig hefyr hann náð fínum árangri á keppnisbrautinni m.a. á hestinum Barða frá Laugabökkum.  
Sylvía Sigurbjörnsdóttir er úrskrifaður reiðkennari og þjálfir frá Háskólanum á Hólum. Sylvía hefur vakið athygli fyrir prúðmannlega og glæsilega reiðmennsku, m.a. á gæðingunum Þresti og Þóri frá Hólum. Sylvía og gæðingur hennar Héðinn-Skúli hafa vakið mikla athygli eftir glæsilega framgöngu í fimmgangi.