Frétt af HM í Berlín

03.08.2019 - 09:07
 Landsliðsknapar og hestar eru nú allir komnir á keppnissvæðið í Karlshorst í Berlín. Liðið er í óða önn koma sér fyrir og kynna sér aðstæður og skipulag á svæðinu.
 
Allt kapp er lagt á að gera aðstæður sem bestar fyrir hesta og knapa. Alls eru 22 hestar í íslenska landsliðinu, 17 komu frá Íslandi í byrjun vikunnar og 5 koma frá Danmörku og Þýskalandi. Hesthúsið sem íslenska landsliðið fékk úthlutað, sóttkvíin svokallaða, er staðsett þannig að smithætta sé eins lítil og mögulegt er.
 
Engir hestar eru í þeim húsum sem næst liggja og passað er vel upp á að reiðleiðir íslensku hestanna skarist sem minnst við reiðleiðir annarra hesta. 
Fyrstu dagana hafa knaparnir nýtt til að sýna hestunum svæðið, gengið með þá og fetað í rólegheitum um svæðið. 
 
Á fimmtudagsmorgun var fyrsti knapafundurinn þar sem þjálfarateymið fór yfir dagskipunina en slíkir fundir verða haldnir í upphafi hvers dags og oftar ef þurfa þykir.
 
Veðrið leikur við menn og dýr og hitinn hefur verið hóflegur eða milli 25 og 30 gráður. 
#teamiceland #áframísland #lhhestar
Íslenska sendiráðið í Berlín bauð landsliðinu til móttöku í sendiráðinu á föstudagskvöl. Það var Elín Rósa Sigurðardóttir, staðgengill sendiherra sem tók á móti hópnum. Á leiðinni í sendiráðið notuðum við  tækifærið og smelltum nokkrum myndum af hópnum við Brandenbugarhliðið.
 
Knaparnir okkar á HM í Berlín: Ylfa Guðrún Svafarsdóttir, Árni Björn Pálsson, Olil Amble, Eyrún Ýr Pálsdóttir, Bergþór Eggertsson, Helga Una Björnsdóttir, Gústaf Ásgeir Hinriksson, Máni Hilmarson, Ásmundur Ernir Snorrason, Glódís Rún Sigurðardóttir, Konráð Valur Sveinsson, Ásdís Ósk Elvarsdóttir, Guðmundur Björgvinsson, Þórður Þorgeirsson, Tryggvi Björnsson, Benjamín Sandur Ingólfsson, Jakob Svavar Sigurðsson, Teitur Árnason, Hákon Dan Ólafsson.
 
lhhestar.is